On Certain Amendments and Additions to Law No. 64/2012, “On Weighing”, as amended

Lloji: Ligj

Fletore Zyrtare: nr. 21, datë 2019-02-21

LIGJ

Nr. 4/2019

PËR DISA NDRYSHIME DHE SHTESA NË LIGJIN NR. 64/2012, “PËR PESHKIMIN”,

TË NDRYSHUAR1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 64/2012, “Për peshkimin”, të ndryshuar, bëhen ndryshimet dhe shtesat si më

poshtë:

Neni 1

Kudo në ligj, emërtimi “Drejtoria e Shërbimeve të Peshkimit dhe Akuakulturës” zëvendësohet

me emërtimin “Institucioni përgjegjës për shërbimet e peshkimit dhe të akuakulturës.”.

Neni 2

Në nenin 4 bëhen këto ndryshime:

1. Pas pikës 22 shtohen pikat 22/1 dhe 22/2 me këtë përmbajtje:

“22/1. “Infrastruktura e peshkimit” është tërësia e trojeve, kalatave, godinave dhe çdo objekt

tjetër i paluajtshëm në territorin e portit të peshkimit apo qendrës së peshkimit, përfshirë muret rrethuese

të tij dhe akuatoriumin, instalimet e sinjalizimit, të ndriçimit dhe të komunikimit brenda territorit të portit

dhe në kanalin hyrës.

22/2. “Infrastruktura që lidhet me peshkimin” është ajo pjesë e infrastrukturës së peshkimit, e

cila përbëhet nga merkatot, shkallët e riparimit të anijeve të peshkimit dhe depozitat e karburantit, të cilat

janë ndihmuese në zhvillimin e aktivitetit të peshkimit.”.

2. Pika 63 ndryshohet si më poshtë:

“63. “Peshkim tregtar artizanal ose peshkim bregdetar artizanal” është peshkimi tregtar që