On Hunting

Lloji: Ligj

Fletore Zyrtare: nr. 5, datë 2026-01-07

LIGJ

Nr. 89/2025

PËR GJUETINË1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj ka për objekt:

a) përcaktimin e rregullave dhe kërkesave për zhvillimin e gjuetisë së qëndrueshme, si një

veprimtari tradicionale, sportive, çlodhëse, si edhe për të mundësuar mbrojtjen e faunës së egër dhe

ruajtjen e biodiversitetit;

b) ofrimin e mekanizmave për menaxhimin e qëndrueshëm të gjuetisë, duke e vlerësuar faunën e

egër si pasuri kombëtare, që administrohet dhe mbrohet me ligj;

c) përcaktimin e zonave të gjuetisë, duke përjashtuar specifikisht zonat ku ndalohet veprimtaria e

gjuetisë;

ç) përcaktimin e institucioneve përgjegjëse dhe rregullave për monitorimin dhe kontrollin për të

garantuar që parimet për gjuetinë të zbatohen në mënyrë rigoroze, duke ruajtur tërësinë e ekosistemit

dhe baraspeshën ekologjike.

Neni 2

Qëllimi

Ky ligj ka për qëllim:

a) të sigurojë mbrojtjen dhe ruajtjen e diversitetit biologjik e të ekuilibrit ekologjik të habitateve

natyrore, faunës së egër, florës së egër e të habitateve të tyre gjatë ushtrimit të gjuetisë;

b) të mbrojë të drejtën e gjuetarëve dhe të drejtat për gjahun, për trofetë e produktet e gjuetisë dhe

të tregtimit të tyre;

c) të inkurajojë dhe të nxisë bashkëpunimin midis gjuetarëve dhe menaxhuesit të zonës, si dhe