On the supplementary financial treatment of employees who have worked underground in mines, employees of the oil and gas industry, and employees who have worked in metallurgy

Lloji: Ligj

Fletore Zyrtare: nr. 88, datë 2019-06-20

LIGJ

Nr. 29/2019

PËR TRAJTIMIN FINANCIAR, SUPLEMENTAR TË PUNONJËSVE QË KANË

PUNUAR NË MINIERA NË NËNTOKË, TË PUNONJËSVE TË INDUSTRISË

SË NAFTËS E TË GAZIT DHE TË PUNONJËSVE QË KANË PUNUAR

NË METALURGJI

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË,

VENDOSI:

Neni 1

Qëllimi

Qëllimi i këtij ligji është trajtimi financiar i punonjësve që kanë punuar në miniera në

nëntokë, të punonjësve të industrisë së naftës e të gazit dhe të punonjësve që kanë punuar në

metalurgji, përveç trajtimit të përcaktuar në ligjin nr. 4171, datë 13.9.1966, “Për sigurimet

shoqërore në Republikën Popullore të Shqipërisë”, të ndryshuar dhe ligjin nr. 7703, datë

11.5.1993, “Për Sigurimet shoqërore në Republikën e Shqipërisë”, të ndryshuar.

Neni 2

Përfituesit

Përfitues, sipas këtij ligji, janë personat në profesione e punë, në miniera në nëntokë, në

industrinë e naftës e të gazit dhe në metalurgji, që u njihet vjetërsia në punë dhe periudha e

sigurimit, sipas përcaktimeve të nenit 3, të këtij ligji, e që njëkohësisht plotësojnë edhe kushtet e

tjera të përcaktuara në këtë ligj, si më poshtë:

a) pensionistët, të cilët kanë përfituar pension sipas ligjit nr. 4171, datë 13.9.1966, “Për

sigurimet shoqërore në Republikën Popullore të Shqipërisë”, të ndryshuar, dhe ligjit nr. 7703,

datë 11.5.1993, “Për sigurimet shoqërore në Republikën e Shqipërisë”, të ndryshuar;