On the administration of sequestered and confiscated assets

Lloji: Ligj

Fletore Zyrtare: nr. 99, datë 2019-07-09

LIGJ

Nr. 34/2019

PËR ADMINISTRIMIN E PASURIVE TË SEKUESTRUARA

E TË KONFISKUARA

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Qëllimi

Qëllimi i këtij ligji është miradministrimi dhe përdorimi sa më efiçent, efektiv dhe

ekonomik i pasurive të sekuestruara e të konfiskuara nga organet e drejtësisë dhe pasurive të

sekuestruara me urdhër të ministrit përgjegjës për financat, rikthimi në komunitet i pasurive të

fituara në mënyrë të paligjshme dhe kompensimi financiar i viktimave të krimit.

Neni 2

Përkufizime

Në këtë ligj, termat e mëposhtëm kanë këto kuptime:

a) “Agjencia e Administrimit të Pasurive të Sekuestruara e të Konfiskuara” (në vijim

Agjencia) është institucioni përgjegjës për administrimin e pasurive të sekuestruara dhe të

konfiskuara.

b) “Administrim i pasurisë” janë të gjitha veprimet e procedurat ligjore që kryhen nga

Agjencia apo nga administratori i pasurisë, me qëllim ruajtjen, mirëmbajtjen, administrimin,

menaxhimin dhe, kur është e mundur, shtimin e vlerës së pasurisë që nga çasti i marrjes dijeni për

aktin e sekuestrimit e të konfiskimit dhe deri në atë të tjetërsimit ose të revokimit të masës së

sekuestrimit të pasurisë.

c) “Administrator koordinator” është punonjësi buxhetor i Agjencisë, i cili koordinon,

udhëzon, mbikëqyr dhe kontrollon zbatimin e procedurave ligjore nga administratori i pasurisë