On certain amendments and additions to Law No. 157/2013, “On Measures against Terrorist Financing”, as amended

Lloji: Ligj

Fletore Zyrtare: nr. 99, datë 2019-07-10

LIGJ

Nr. 32/2019

PËR DISA NDRYSHIME DHE SHTESA NË LIGJIN NR. 157/2013, “PËR MASAT

KUNDËR FINANCIMIT TË TERRORIZMIT”, TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 157/2013, “Për masat kundër financimit të terrorizmit”, të ndryshuar, bëhen

ndryshimet dhe shtesat si më poshtë:

Neni 1

Në nenin 3 bëhen këto ndryshime:

1. Në pikën 1, fjalia e parë ndryshohet si më poshtë:

“Bllokim i përkohshëm” është ndalimi i çdo transaksioni, shërbimi financiar apo të tjera

të lidhura, pjesëmarrjeje në transferimin, shndërrimin, tjetërsimin ose lëvizjen e fondeve e të

pasurive të tjera, për pasuri të luajtshme apo të paluajtshme, sipas kushteve dhe kohëzgjatjes së

vlefshmërisë të veprimeve të ndërmarra nga organet përkatëse, në përputhje me këtë ligj.”.

2. Në pikën 2, fjalia e parë ndryshohet si më poshtë:

“Sekuestrim” është ndalimi i çdo transaksioni, shërbimi financiar apo të tjera të lidhura,

pjesëmarrjeje në transferimin, shndërrimin, tjetërsimin ose lëvizjen e fondeve dhe të pasurive të

tjera, për pasuri të luajtshme apo të paluajtshme, sipas kushteve dhe kohëzgjatjes së vlefshmërisë

të veprimeve të ndërmarra nga organet përkatëse, në përputhje me këtë ligj.”.

3. Në fjalinë e parë, të pikës 3, fjalët “janë pasuritë financiare, depozitat monetare dhe