On Concessions and Public-Private Partnerships

Lloji: Ligj

Fletore Zyrtare: nr. 9, datë 2026-01-13

LIGJ

Nr. 88/2025

PËR KONCESIONET DHE PARTNERITETIN PUBLIK PRIVAT1

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi i ligjit

Ky ligj ka për qëllim krijimin e një kuadri të favorshëm e të qëndrueshëm për nxitjen,

tërheqjen dhe krijimin e lehtësive për investimet, që realizohen si koncesione/partneritete

publike private.

Neni 2

Objekti i ligjit

Ky ligj rregullon kompetencat e autoriteteve dhe të enteve kontraktuese për të hyrë në

marrëveshje për investime të bazuara në koncesione/partneritete publike private, procedurat

për dhënien e marrëveshjeve të tilla, si: nënshkrimi, ndërprerja dhe ndryshimet e marrëveshjeve

të koncesionit/partneritetit publik privat, ndarja e risqeve fiskale, çështjet që kanë të bëjnë me

rregullimet financiare dhe mbështetjen, në lidhje me koncesionet/partneritetet publike private,

politikën e këtyre koncesioneve dhe autoritetin për zbatimin e tyre, si dhe çështje të tjera që

lidhen me koncesionet/partneritetet publike private.

Neni 3

Përkufizime

Në kuptim të këtij ligji, me termat e mëposhtëm nënkuptojmë:

1. “Koncesion” është koncesioni i punëve publike ose koncesioni i shërbimeve publike.

2. “Koncesioni i punëve publike” është një marrëveshje me interes financiar, e lidhur me