On the ratification of the exchange of notes agreement between the Republic of Albania and the Stabilisation and Association Council European Union–Albania on the participation of the Republic of Albania, in the capacity of observer, in the work of the European Union Agency for Fundamental Rights and the manner of such participation within the framework of Council Regulation (EC) No. 168/2007

Lloji: Ligj

Fletore Zyrtare: nr. 142, datë 2019-10-22

LIGJ

Nr. 66/2019

PËR RATIFIKIMIN E MARRËVESHJES ME SHKËMBIM NOTASH NDËRMJET REPUBLIKËS SË SHQIPËRISË DHE KËSHILLIT TË STABILIZIM-ASOCIIMIT BASHKIMI EVROPIAN–SHQIPËRI PËR PJESËMARRJEN E REPUBLIKËS SË SHQIPËRISË, ME CILËSINË E VËZHGUESES, NË PUNËN E AGJENCISË SË BASHKIMIT EVROPIAN PËR TË DREJTAT THEMELORE DHE MËNYRËN E KËSAJ PJESËMARRJEJE NË KUADRIN E RREGULLORES SË KËSHILLIT (KE) NR. 168/2007

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja me shkëmbim notash ndërmjet Republikës së Shqipërisë dhe Këshillit të Stabilizim-Asociimit Bashkimi Evropian–Shqipëri për pjesëmarrjen e Republikës së Shqipërisë, me cilësinë e vëzhgueses, në punën e Agjencisë së Bashkimit Evropian për të Drejtat Themelore dhe mënyrën e kësaj pjesëmarrjeje në kuadrin e Rregullores së Këshillit (KE) nr. 168/2007, sipas tekstit që i bashkëlidhet këtij ligji dhe është pjesë përbërëse e tij.

Neni 2

Përfaqësuesi i Republikës së Shqipërisë në Bordin Drejtues të Agjencisë së Bashkimit Evropian për të Drejtat Themelore emërohet nga ministri i Drejtësisë, sipas parashikimeve të Rregullores së Këshillit (KE) nr. 168/2007.

Neni 3

Ky ligj hyn në fuqi 15 ditë pas botimit në Fletoren Zyrtare.

Miratuar në datën 3.10.2019.