On the approval of normative act having the force of law No. 11, dated 19.12.2025, “On certain amendments and additions to Law No. 115/2024, ‘On the Budget for the Year 2025’, as amended”

Lloji: Ligj

Fletore Zyrtare: nr. 33, datë 2026-02-11

UDHËZIM

Nr. 2, datë 25.9.2026

PËR PËRCAKTIMIN E FORMATIT, PËRMBAJTJES, MËNYRËS SË

PARAQITJES DHE SHQYRTIMIT TË KËRKESËS PËR REGJISTRIM NË

REGJISTRIN E LOBIMIT

Në mbështetje të pikës 7, të nenit 9, të ligjit nr. 12/2026, datë 28.1.2026, “Për lobimin në

Republikën e Shqipërisë” (në vijim “Ligji”), Komisioneri për të Drejtën e Informimit dhe

Mbrojtjen e të Dhënave Personale (në vijim “Komisioneri”),

UDHËZON:

KREU I

DISPOZITA TË PËRGJITHSHME

Neni 1

Objekti

Ky udhëzim përcakton formatin, përmbajtjen, mënyrën e paraqitjes dhe shqyrtimit të

kërkesës për regjistrim në Regjistrin e Lobimit (në vijim “Regjistri”), dokumentacionin e

detyrueshëm që i bashkëlidhet kërkesës dhe procedurën e vendimmarrjes nga Komisioneri.

Neni 2

Qëllimi

Qëllimi i këtij udhëzimi është të standardizojë procedurën e regjistrimit në Regjistër, në

përputhje me ligjin, duke garantuar trajtim të njëjtë të kërkesave, saktësinë e të dhënave,

transparencën e procedurës dhe mbrojtjen e të dhënave personale.

Neni 3

Fusha e zbatimit

1. Ky udhëzim zbatohet për të gjithë personat fizikë dhe juridikë që paraqesin kërkesë për

regjistrim në Regjistër, në përputhje me ligjin.

2. Ky udhëzim zbatohet, gjithashtu, për strukturën përgjegjëse të Komisionerit, të ngarkuar

me marrjen, verifikimin, shqyrtimin dhe vendimmarrjen mbi kërkesat për regjistrim, si dhe

administrimin e dokumentacionit përkatës.

KREU II

KËRKESA PËR REGJISTRIM DHE DOKUMENTACIONI I DETYRUESHËM