On Fertiliser Products

Lloji: Ligj

Fletore Zyrtare: nr. 31, datë 2020-03-09

LIGJ

Nr. 17/2020

PËR PRODUKTET PLEHËRUESE

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim:

a) garantimin e shëndetit të njerëzve e të kafshëve, si dhe mbrojtjen e mjedisit nga përdorimi i

produkteve plehëruese;

b) rritjen e efikasitetit në të ushqyerit e bimëve me elemente ushqyese;

c) përmirësimin e cilësive fiziko-kimike dhe të pjellorisë së tokës.

Neni 2

Objekti

Ky ligj përcakton rregullat për prodhimin, regjistrimin,

importin, eksportin,

përdorimin, kontrollin e cilësisë, gjurmueshmërinë, informimin, reklamimin dhe inspektimin e

veprimtarive që lidhen me produktet plehëruese, si dhe organizimin e funksionimin e strukturave

përkatëse.

tregtimin,

Neni 3

Fusha e zbatimit

Ky ligj zbatohet për:

a) produktet plehëruese që regjistrohen, prodhohen, eksportohen, tregtohen, importohen dhe

përdoren në Republikën e Shqipërisë;

b) personat fizikë e juridikë që ushtrojnë veprimtari të parashikuara në dispozitat e këtij ligji, si

dhe të legjislacionit në fuqi për licencat, autorizimet dhe lejet, vlerësimin e ndikimit në mjedis,

lejet e mjedisit e kimikatet.

Neni 4

Përkufizime

Në këtë ligj termat e mëposhtëm kanë këto kuptime:

1. “Ambalazhim” është një ambalazh i mbyllur që përdoret për të mbajtur, mbrojtur e për të