On the Organisation and Functioning of the Forensic Service

Lloji: Ligj

Fletore Zyrtare: nr. 136, datë 2020-07-21

LIGJ

Nr. 78/2020

PËR ORGANIZIMIN DHE FUNKSIONIMIN E SHËRBIMIT TË PROVËS

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

1. Objekt i këtij ligji është përcaktimi i rregullave dhe procedurave për

a) organizimin dhe funksionimin e Shërbimit të Provës;

b) zbatimin e vendimeve gjyqësore penale dhe urdhërimeve të prokurorit për mbikëqyrjen e

ekzekutimit të dënimeve alternative, të masave të shmangies nga ndjekja penale, të dënimeve jo

me burgim për të miturit, ose veprimtari të tjera sipas akteve të tjera ligjore në fuqi;

c) trajtimin e individualizuar të nevojave dhe aftësive të personit nën mbikëqyrje për të

siguruar përshtatjen dhe riintegrimin e tij në shoqëri;

ç) zbatimin e detyrimeve të personave nën mbikëqyrje gjatë kohës së vënies në provë.

2. Dispozitat e këtij ligji zbatohen për vendimet gjyqësore penale të dhëna nga gjykatat

vendase dhe të huaja në përputhje me Kodin e Procedurës Penale, Kodin Penal, Kodin e

Drejtësisë Penale për të Mitur, legjislacionin në fuqi për ekzekutimin e vendimeve penale dhe

marrëveshjet ndërkombëtare dypalëshe ose shumëpalëshe të ratifikuara nga Republika e

Shqipërisë.

Neni 2

Qëllimi

Qëllimi i këtij ligji është të mundësojë rehabilitimin dhe riintegrimin shoqëror të personave