On the Execution of Criminal Judgments

Lloji: Ligj

Fletore Zyrtare: nr. 136, datë 2020-07-21

LIGJ

Nr. 79/2020

PËR EKZEKUTIMIN E VENDIMEVE PENALE

Në mbështetje të neneve 78, 81, pika 1, dhe 83, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

PJESA E PARË

DISPOZITA TË PËRGJITHSHME

KREU I

PARIME TË PËRGJITHSHME

Neni 1

Qëllimi i ligjit

i këtij

Qëllimi

ligji është të garantojë ekzekutimin e vendimeve penale në përputhje me

legjislacionin në fuqi, me standardet ndërkombëtare dhe në respektim të të drejtave dhe lirive

themelore të njeriut.

Neni 2

Objekti i ligjit

1. Ky ligj ka për objekt përcaktimin e rregullave dhe procedurave për ekzekutimin e:

- vendimeve gjyqësore penale të formës së prerë;

- vendimeve gjyqësore penale me ekzekutim të menjëhershëm;

- urdhërimeve të tjera me vendime gjyqësore, si dhe;

- përcaktimin e mënyrës së kryerjes së dënimeve alternative sipas parashikimeve të

legjislacionit në fuqi.

2. Dispozitat e këtij ligji zbatohen për ekzekutimin e vendimeve gjyqësore penale të dhëna nga

gjykatat vendase dhe të huaja në përputhje me Kodin e Procedurës Penale, Kodin Penal, Kodin e

Drejtësisë Penale për të Mitur dhe marrëveshjet ndërkombëtare të ratifikuara me ligj.

Neni 3

Parimet kryesore gjatë ekzekutimit të vendimit penal

1. Ky ligj zbatohet në mënyrë të njëjtë për të gjithë personat e arrestuar, të paraburgosur dhe

të dënuar, duke shmangur diskriminimin dhe format e sjelljes që e nxisin atë, për çdo shkak të