On the ratification of the agreement between the Council of Ministers of the Republic of Albania and the Government of the Swiss Confederation, on the Strong Communities Project

Lloji: Ligj

Fletore Zyrtare: nr. 220, datë 2020-12-17

LIGJ

Nr. 139/2020

PËR RATIFIKIMIN E MARRËVESHJES NDËRMJET KËSHILLIT TË

MINISTRAVE TË REPUBLIKËS SË SHQIPËRISË DHE QEVERISË SË

KONFEDERATËS ZVICERANE, PËR PROJEKTIN BASHKI TË FORTA

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe

qeverisë së Konfederatës Zvicerane, për projektin Bashki të Forta, sipas tekstit që i bashkëlidhet

këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 26.11.2020.

Shpallur me dekretin nr. 11864, datë 9.12.2020, të Presidentit të Republikës së Shqipërisë,

Ilir Meta.

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE QEVERISË SË KONFEDERATËS ZVICERANE, PËR

PROJEKTIN BASHKI TË FORTA

FAZA PARAPRAKE: 1.7.2017–31.8.2018

FAZA 1: 1.9.2018–30.9.2022

Këshilli i Ministrave i Republikës së Shqipërisë, i përfaqësuar nga Ministria e Brendshme, dhe

Qeveria e Konfederatës Zvicerane, e përfaqësuar nga Agjencia Zvicerane për Zhvillim dhe

Bashkëpunim (e referuar në këtë dokument si “SDC”), që vepron nëpërmjet Ambasadës së

Zvicrës:

Në përpjekje për të forcuar marrëdhëniet miqësore që ekzistojnë ndërmjet dy vendeve;

Në përputhje dhe në zbatim të Marrëveshjes Kuadër, në lidhje me Bashkëpunimin Teknik,