On the External Service in the Republic of Albania

Lloji: Ligj

Fletore Zyrtare: nr. 60, datë 2026-03-25

LIGJ

Nr. 24/2026

PËR SHËRBIMIN E JASHTËM NË REPUBLIKËN E SHQIPËRISË

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim rregullimin e veprimtarisë dhe organizimin e Shërbimit të Jashtëm të

Republikës së Shqipërisë.

Neni 2

Objekti

Objekt i këtij ligji janë:

a) përcaktimi i funksioneve dhe i mënyrës së organizimit të Shërbimit të Jashtëm të

Republikës së Shqipërisë;

b) rregullimi i marrëdhënieve të Shërbimit të Jashtëm me institucionet kushtetuese, qendrore

dhe vendore, në funksion të zbatimit të politikës së jashtme të Republikës së Shqipërisë;

c) procedurat e vendosjes dhe të ndërprerjes së marrëdhënieve diplomatike;

ç) funksionimi i misioneve diplomatike dhe posteve konsullore;

d) procedurat e emërimit të kreut të misionit diplomatik, postit konsullor, personelit të tyre

dhe konsullit të nderit;

dh) procedura e emërimit, statusi i diplomatit dhe sistemi i karrierës diplomatike;

e) pozita juridike, ekonomike dhe sociale e anëtarëve të familjes së diplomatit.

Neni 3

Baza ligjore e funksionimit të Shërbimit të Jashtëm

Shërbimi i Jashtëm i Republikës së Shqipërisë e ushtron veprimtarinë e tij në përputhje me

Kushtetutën, marrëveshjet ndërkombëtare në të cilat Republika e Shqipërisë është palë, ligjin