Për marrjen e masave të përkohshme për mbështetjen e sektorit të turizmit

Lloji: Akt normativ

Fletore Zyrtare: nr. 112, datë 2020-06-15

1

AKT NORMATIV

Nr. 26, datë 10.6.2020

PËR MARRJEN E MASAVE TË PËRKOHSHME PËR MBËSHTETJEN E

SEKTORIT TË TURIZMIT

Në mbështetje të nenit 101 të Kushtetutës, me propozimin e ministrit të Turizmit dhe

Mjedisit, Këshilli i Ministrave

VENDOSI:

Neni 1

1. Ky akt normativ ka për objekt përcaktimin e masave të veçanta që do të merren në sektorin

e turizmit, për agjencitë e udhëtimit, operatorët turistikë dhe klientët e tyre, në ofrimin e një

shërbimi udhëtimi, nga dita e shpalljes deri në përfundim të gjendjes së fatkeqësisë natyrore të

shkaktuar nga COVID-19.

2. Për qëllime të këtij akti normativ, me termat e mëposhtëm nënkuptojmë:

a) “Klientë”, turistët dhe personat e tjerë, si individë apo të organizuar në grup, që i ofrohet

çdolloj shërbimi udhëtimi, përfshirë akomodimin në struktura pritëse për turistët, këshillim dhe

ofrim i shërbimeve të udhëtimit me ajër, me tokë e me det, të ekskursioneve të organizuara, si

dhe një sërë shërbimesh të tjera ndihmëse, që lidhen me industrinë e turizmit;

b) “Rimbursim”, lëshimi i një kuponi (voucher) që korrespondon me të njëjtin shërbim, i cili i

korrespondon vlerës/shumës totale të paguar/rezervuar ose vlera/shuma totale që duhet t’i

kthehet klientit për shërbimin e parapaguar ose të rezervuar, sipas parashikimeve të këtij akti

normativ;

c) “Shërbim i rezervuar”, një pjesë e pagesës që klienti ka kryer në momentin e rezervimit të

shërbimit të udhëtimit.

Neni 2