On the waiver of obligations of military personnel towards the social insurance fund, arising as a difference from the review of early retirement pensions for years of service, established pursuant to summary court decisions based on the criteria set forth in the Unifying Decision of the United Colleges of the Supreme Court No. 3, dated 24.11.2016

Lloji: Ligj

Fletore Zyrtare: nr. 3, datë 2021-01-08

LIGJ

Nr. 156/2020

PËR FALJEN E DETYRIMEVE TË USHTARAKËVE NDAJ FONDIT TË

SIGURIMEVE SHOQËRORE, TË KRIJUARA SI DIFERENCË NGA

RISHQYRTIMI I PENSIONEVE TË PARAKOHSHME PËR VJETËRSI SHËRBIMI,

TË CAKTUARA SIPAS VENDIMEVE GJYQËSORE TË FORMËS SË PRERË,

BAZUAR NË KRITERET E VENDIMIT UNIFIKUES TË KOLEGJEVE TË

BASHKUARA TË GJYKATËS SË LARTË NR. 3, DATË 24.11.2016

Në mbështetje të neneve 78, 83, pika 1, dhe 155 të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Neni 1

1. Falen detyrimet e ushtarakëve ndaj fondit të sigurimeve shoqërore, të krijuara si diferencë

nga rishqyrtimi i pensioneve të parakohshme për vjetërsi shërbimi, të caktuara sipas vendimeve

gjyqësore të formës së prerë, bazuar në kriteret e vendimit unifikues të Kolegjeve të Bashkuara të

Gjykatës së Lartë nr. 3, datë 24.11.2016.

2. Shumat e detyrimeve, të përcaktuara sipas pikës 1 të këtij neni, falen sipas gjendjes së

mbetur në datën e hyrjes në fuqi të këtij ligji.

Neni 2

Instituti i Sigurimeve Shoqërore të ndjekë procedurat administrative e ligjore për tërheqjen e

rekurseve/ankimeve pranë gjykatave përkatëse, me objekt zbatimin e nenit 1 të këtij ligji.

Neni 3

Ngarkohen Ministria e Financave dhe Ekonomisë dhe Instituti i Sigurimeve Shoqërore për

zbatimin e këtij ligji.

Ky ligj hyn në fuqi 15 ditë pas botimit në Fletoren Zyrtare.

Neni 4

Miratuar në datën 17.12.2020.