On certain additions to Law No. 97/2016, “On the organization and functioning of the prosecution in the Republic of Albania”

Lloji: Ligj

Fletore Zyrtare: nr. 5, datë 2021-01-13

LIGJ

Nr. 148/2020

PËR DISA SHTESA NË LIGJIN NR. 97/2016, “PËR ORGANIZIMIN

DHE FUNKSIONIMIN E PROKURORISË NË REPUBLIKËN E SHQIPËRISË”

Në mbështetje të neneve 81 dhe 83, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË:

VENDOSI:

Në ligjin nr. 97/2016, “Për organizimin dhe funksionimin e prokurorisë në Republikën e

Shqipërisë” bëhen shtesat e mëposhtme:

Neni 1

Në nenin 43, pas shkronjës “dh” shtohet shkronja “e” me këtë përmbajtje:

“e) përgjigjet për hetimin e veprave penale që prekin zgjedhjet e lira dhe sistemin demokratik

të zgjedhjeve, të cilat janë kompetencë e prokurorisë që drejton.”.

Pas nenit 107, shtohet neni 107/1, me këtë përmbajtje:

Neni 2

“Neni 107/1

Marrëdhëniet me Komisionin Qendror të Zgjedhjeve

1. Prokurori

i Përgjithshëm dhe drejtuesi

i Prokurorisë së Posaçme, sipas juridiksionit

përkatës, i japin KQZ-së informacion për hetimin e veprave penale në fushën e zgjedhjeve, që

nuk cenon ruajtjen e sekretit hetimor sipas përcaktimeve të Kodit të Procedurës Penale.

Informacioni jepet me të dhënat për çështjet penale, numrin e personave nën hetim, kohëzgjatjen

e hetimit dhe përfundimin e tij, të dhënat për kërkesat e prokurorisë për gjykim, kohëzgjatjen e

gjykimit dhe përfundimin e tij, të dhënat për ankimimin e vendimeve gjyqësore, shkakun e

ankimimit, si dhe të dhënat për faktin nëse çështjet janë gjykuar në apel ose në Gjykatën e Lartë