On recognition of the period of employment in former agricultural cooperatives as an insurance period for entitlement to social insurance benefits

Lloji: Ligj

Fletore Zyrtare: nr. 3, datë 2021-01-08

LIGJ

Nr. 169/2020

PËR NJOHJEN SI PERIUDHË SIGURIMI PËR EFEKT PËRFITIMI

NGA SIGURIMET SHOQËRORE TË KOHËS SË PUNËSIMIT

NË ISH-KOOPERATIVAT BUJQËSORE

Në mbështetje të neneve 78 e 83, pika 1, të Kushtetutës, me propozimin e një grupi

deputetësh,

KUVENDI

I REPUBLIKËS SË SHQIPËRISË

VENDOSI:

Neni 1

Qëllimi i ligjit

Ligji ka për qëllim njohjen si periudhë sigurimi për efekt përfitimi nga sigurimet shoqërore të

kohës së punësimit në ish-kooperativat bujqësore, për të cilat është djegur dokumentacioni

arkivor i vjetërsisë në punë, deri në hyrjen në fuqi të ligjit nr. 7501 datë 19.7.1991, “Për tokën”, të

ndryshuar.

Neni 2

Periudha e sigurimit dhe kushtet e njohjes së saj për efekt përfitimi

1. Njihet si periudha e sigurimit për efekt përfitimi nga sigurimet shoqërore koha e punësimit

në ish-kooperativat bujqësore, nga mosha për punë në kooperativat bujqësore e përcaktuar në

legjislacionin e kohës, por jo më herët se viti i krijimit të kooperativës bujqësore, deri në hyrjen

në fuqi të ligjit nr. 7501, datë 19.7.1991, “Për tokën”.

2. Njohja e periudhës së sigurimit për efekt përfitimi nga sigurimet shoqërore sipas paragrafit

të parë të këtij neni, në varësi të periudhës së deklaruar nga vetë personat kërkues, bëhet

respektivisht me ditë, muaj ose vite të plota pune vetëm kur vërtetohet se gjatë periudhës së

deklaruar:

a) nuk ka qenë duke vuajtur dënimin me heqje lirie;

b) nuk ka qenë përfitues i pensionit të invaliditetit të plotë;