On certain amendments and additions to Law No. 9179, dated 29.1.2004, “On special treatment of employees who have worked in certain enterprises of the military industry”, as amended

Lloji: Ligj

Fletore Zyrtare: nr. 3, datë 2021-01-08

LIGJ

Nr. 165/2020

PËR DISA NDRYSHIME DHE SHTESA NË LIGJIN NR. 9179, DATË 29.1.2004,

“PËR NJË TRAJTIM TË VEÇANTË TË PUNONJËSVE QË KANË PUNUAR NË

DISA NDËRMARRJE TË INDUSTRISË USHTARAKE”, TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9179, datë 29.1.2004, “Për një trajtim të veçantë të punonjësve që kanë punuar në

disa ndërmarrje të industrisë ushtarake”, të ndryshuar, bëhen këto ndryshime dhe shtesa:

Neni 4 ndryshohet si më poshtë:

Neni 1

“Neni 4

Përfitojnë trajtim të veçantë punonjësit e ndërmarrjeve të sistemit të industrisë ushtarake, të

cilët:

- në datën 31.12.2002 kanë qenë në marrëdhënie pune ose janë trajtuar në bazë të vendimeve

të Këshillit të Ministrave nr. 389, datë 8.8.2002, dhe nr. 695, datë 27.12.2002, në Kombinatin

Mekanik në Poliçan, në Uzinën e Lëndëve Plasëse në Mjekës, në Uzinën Mekanike dhe Uzinën e

Pilave në Gramsh dhe në Uzinën e Riparimit të Avionëve në Kuçovë;

- kanë vazhduar të punojnë pas datës 30.9.2004 dhe ndërpresin marrëdhëniet e punës me

ndërmarrjet e sistemit të industrisë ushtarake deri në datën 31.12.2020;

- kanë një periudhë pune ose gatishmërie jo më pak se 17 vjet dhe periudhë sigurimi jo më

pak se 20 vjet për gratë, dhe periudhë pune ose gatishmërie jo më pak se 20 vjet dhe periudhë

sigurimi jo më pak se 25 vjet për burrat;