On the ratification of the Agreement between the Council of Ministers of the Republic of Albania and the Food and Agriculture Organization of the United Nations (FAO) on the establishment of an FAO representation in the Republic of Albania

Lloji: Ligj

Fletore Zyrtare: nr. 24, datë 2021-02-16

LIGJ

Nr. 9/2021

PËR RATIFIKIMIN E MARRËVESHJES, NDËRMJET KËSHILLIT

TË MINISTRAVE TË REPUBLIKËS SË SHQIPËRISË DHE ORGANIZATËS

SË KOMBEVE TË BASHKUARA PËR USHQIMIN DHE BUJQËSINË (FAO),

PËR KRIJIMIN E NJË PËRFAQËSIE TË FAO-s NË REPUBLIKËN E SHQIPËRISË

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikimin e marrëveshjes, ndërmjet Këshillit të Ministrave të Republikës së Shqipërisë dhe Organizatës së Kombeve të Bashkuara për Ushqimin dhe Bujqësinë (FAO), për krijimin e një përfaqësie të FAO-s në Republikën e Shqipërisë, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 28.1.2021

Shpallur me dekretin nr. 11955, datë 9.2.2021 të Presidentit të Republikës së Shqipërisë, Ilir Meta.

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE ORGANIZATËS SË KOMBEVE TË BASHKUARA PËR USHQIMIN DHE BUJQËSINË (FAO) MBI KRIJIMIN E NJË PËRFAQËSIE TË FAO-s NË REPUBLIKËN E SHQIPËRISË

Këshilli i Ministrave i Republikës së Shqipërisë

dhe

Organizata e Kombeve të Bashkuara për Ushqimin dhe Bujqësinë,

me dëshirën për të nënshkruar një marrëveshje për krijimin e një përfaqësie të FAO-s në Republikën e Shqipërisë, kanë rënë dakord si më poshtë:

Neni I

Personaliteti juridik dhe liria e takimeve