On Certain Amendments and Additions to Law No. 52/2024, “On Energy-Related Product Labelling”

Lloji: Ligj

Fletore Zyrtare: nr. 103, datë 2026-05-20

LIGJ

Nr. 44/2026

PËR DISA NDRYSHIME DHE SHTESA NË LIGJIN NR. 52/2024,

“PËR ETIKETIMIN E PRODUKTEVE ME NDIKIM NË ENERGJI”1

Në mbështetje të neneve 78 dhe 81, pika 1, të Kushtetutës së Republikës së Shqipërisë, me

propozim të një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 52/2024, “Për etiketimin e produkteve me ndikim në energji”, bëhen ndryshimet dhe

shtesat e mëposhtme:

Neni 1

Në nenin 1 pas shkronjës “ç” shtohet shkronja “d” me këtë përmbajtje:

“d) përcaktimin e kërkesave të përgjithshme dhe të veçanta të projektimit ekologjik për produktet

me ndikim në energji, në përputhje me parimet e përcaktuara në këtë ligj, me qëllim uljen e ndikimit

mjedisor gjatë ciklit të jetës së produktit, rritjen e eficiencës së energjisë dhe garantimin e sigurisë së

furnizimit me energji.”.

Neni 2

Në nenin 2 bëhet shtesa dhe ndryshimi si më poshtë:

1. Pas pikës 1 shtohet pika 1/1 me këtë përmbajtje:

“1/1. Ky ligj zbatohet gjithashtu për përcaktimin e kërkesave të projektimit ekologjik të

produkteve me ndikim në energji, përfshirë qëndrueshmërinë, eficiencën e burimeve, zvogëlimin e

materialeve të rrezikshme, riparueshmërinë, riciklueshmërinë dhe zgjatjen e jetëgjatësisë së

produktit.”

2. Në pikën 3, shkronja “a”, ndryshohet, si më poshtë:

“a) produktet e përdorura, përveçse kur importohen, si dhe përjashtimet kur kërkesat e projektimit