On Certain Additions and Amendments to Law No. 173/2014 “On Discipline in the Armed Forces of the Republic of Albania”

Lloji: Ligj

Fletore Zyrtare: nr. 39, datë 2021-03-12

LIGJ

Nr. 19/2021

PËR DISA SHTESA DHE NDRYSHIME NË LIGJIN NR. 173/2014 “PËR

DISIPLINËN NË FORCAT E ARMATOSURA TË REPUBLIKËS SË SHQIPËRISË”

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 173/2014 “Për disiplinën në Forcat e Armatosura të Republikës së Shqipërisë”

bëhen këto shtesa dhe ndryshime:

Neni 1

Në nenin 4 pas fjalës “kursantët” shtohet fjala “studentët”.

Neni 2

Në nenin 7 bëhen ndryshimet dhe shtesat e mëposhtme:

1. Në pikën 1 bëhen këto ndryshime dhe shtesa:

a) fjalia e fundit e shkronjës “b” ndryshohet si më poshtë:

“Shefi i Shtabit të Përgjithshëm të Forcave të Armatosura, me propozimin e Komisionit të

Lartë Disiplinor, jep masa shumë të rënda disiplinore për nënoficerët dhe ushtarët e Forcave të

Armatosura, me përjashtim të atyre të përcaktuara në paragrafin e dytë të shkronjës “c” të pikës 1

të këtij neni.”;

b) në shkronjat “c” dhe “ç”, pas fjalës “batalioni” shtohen fjalët “drejtuesi ushtarak në nivel

njësie kryesore/njësie bazë në institucionet arsimore ushtarake”;

c) në fund të shkronjës “c” shtohet paragrafi me këtë përmbajtje:

“Komandantët e Forcave dhe strukturave mbështetëse, me propozim të Komisionit të Lartë

Disiplinor, për masat shumë të rënda “Vërejtje me paralajmërim” dhe “Ulje në pagë” për tetarët