Për hedhjen në treg dhe mbikëqyrjen e artikujve piroteknikë

Lloji: Korrigjim

Fletore Zyrtare: nr. 107, datë 2021-07-06

LIGJ

Nr. 73/2021

PËR HEDHJEN NË TREG DHE MBIKËQYRJEN E ARTIKUJVE

PIROTEKNIKË1

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton:

1. Të drejtat dhe detyrimet e operatorëve ekonomikë sipas rolit dhe përgjegjësisë së tyre në

zinxhirin e furnizimit për vendosjen në treg të artikujve piroteknikë, në mënyrë që të garantojnë e

të sigurojnë përputhshmërinë e tyre me kërkesat ligjore, mbrojtjen e interesave të publikut,

shëndetit e sigurisë së njerëzve dhe konkurrencën e drejtë në tregun vendas.

2. Kushtet dhe kriteret për prodhimin, tregtimin, transporti min, transferimin, magazinimin,

përdorimin, importimin, eksportimin, tranzitimin, asgjësimin, kërkimin, testimin dhe vlerësimin e

përputhshmërisë së artikujve piroteknikë, si dhe kriteret për mbikëqyrjen dhe aplikimin e këtij ligji,

me qëllim mbrojtjen e njerëzve, pasurisë dhe mjedisit.

3. Mënyrën e organizimit, të drejtat dhe kompetencat e auto riteteve shtetërore përgjegjëse për

kontrollin, mbikëqyrjen dhe sigurinë gjatë zinxhirit të furnizimit deri te përdoruesi fundor.

Neni 2

Përkufizime

Në këtë ligj termat e mëposhtëm kanë këto kuptime:

1. “Akreditim” është dëshmia/certifikata e lëshuar nga organizmi i akreditimit për organin e