On Certain Additions and Amendments to Law No. 97/2016 “On the Organization and Functioning of the Prosecution in the Republic of Albania”

Lloji: Ligj

Fletore Zyrtare: nr. 71, datë 2021-05-14

LIGJ

Nr. 42/2021

PËR DISA SHTESA DHE NDRYSHIME NË LIGJIN NR. 97/2016, “PËR

ORGANIZIMIN DHE FUNKSIONIMIN E PROKURORISË NË REPUBLIKËN E

SHQIPËRISË”

Në mbështetje të neneve 81 dhe 83 të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 97/2016, “Për organizimin dhe funksionimin e Prokurorisë në Republikën e

Shqipërisë” bëhen këto shtesa dhe ndryshime:

Neni 1

Në nenin 2, pas shkronjës “d” shtohet shkronja “dh” me këtë përmbajtje:

“dh) “Këshilltar ligjor” është këshilltari që ushtron funksionin e tij në Njësinë e Shërbimit

Ligjor pranë Prokurorisë së Përgjithshme.”.

Neni 2

Në nenin 15, pika 1, pas togfjalëshit “krimit të organizuar” shtohet fjala “,terrorizmit”.

Neni 3

Në nenin 57, pika 1, shkronja “a”, pas termit “kancelari” shtohet togfjalëshi “, këshilltari

ligjor”.

Neni 4

Në nenin 65, pika 1, togfjalëshi “prokurorët e komanduar, sipas nenit 69 të këtij

ligji”

zëvendësohet me togfjalëshin “Njësia e Shërbimit Ligjor”.

Neni 69 ndryshohet si më poshtë:

Neni 5

“Neni 69

Njësia e Shërbimit Ligjor

1. Pranë Prokurorisë së Përgjithshme funksionon Njësia e Shërbimit Ligjor.

2. Ajo ushtron veprimtari këshilluese dhe ndihmëse në procesin vendimmarrës të Prokurorisë

së Përgjithshme duke përfshirë:

a) analizimin, studimin e ankimeve dhe dosjeve penale;

b) përgatitjen e relacioneve për çështjet objekt gjykimi përpara Gjykatës së Lartë dhe Gjykatës

Kushtetuese;