ON LAND

Lloji: Ligj

Fletore Zyrtare: nr. 5, datë 1991-08-25

LIGJ

Nr.7501, datë 19.7.1991

PËR TOKËN

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Në Republikën e Shqipërisë toka ndahet në:

a) Toka bujqësore të zëna me bimët e arrave, pemishtet, vreshtat dhe ullishtet, kudo që

ndodhen, në fshatra, në qytete e në qendra të tjera të banuara, pavarësisht nga madhësia e tyre;

b) toka të zëna me pyje, kullota e livadhe;

c) toka jobujqësore: ato të zëna nga ndërtimet ekonomike, socialkulturore, repartet

ushtarake dhe oborret e tyre etj., tokat e zëna nga ndërtimet e banimit dhe oborret (avllite) e

tyre, tokat në përdorim të përgjithshem (rrugët, autostradat, aerodrome t, varrezat); vende

shkëmbore, rërat bregdetare, plazhet; tokat me ujë (liqenet, rezervuarët, hauzët), kanalet e

ndryshme, lumenjtë, përrenjte, zallishtet, kenetat; sheshet e ndërtesave e të monumenteve me

interes historik e arkeologjik etj.

Neni 2

Shteti u jep tokë personave fizikë a juridikë. Këta gëzojnë të drejtën e pronësisë dhe

të gjithë të drejtat që përmbahen në këtë ligj.

Ndalohet shitja dhe blerja e tokës.

Neni 3

Toka bujqësore u jepet në pronësi ose në përdorim personave juridikë a fizikë vendas

pa shpërblim.

Neni 4

Personave juridikë a fizikë të huaj u jepet në përdorim me qira truall për ndërtime.