On certain additions and amendments to Law No. 8378, dated 22.7.1998, “Road Code of the Republic of Albania”, as amended

Lloji: Ligj

Fletore Zyrtare: nr. 90, datë 2021-06-10

LIGJ

Nr. 63/2021

PËR DISA SHTESA DHE NDRYSHIME NË LIGJIN NR. 8378, DATË 22.7.1998,

“KODI RRUGOR I REPUBLIKËS SË SHQIPËRISË”, TË NDRYSHUAR1

Në mbështetje të neneve 81, pika 2, dhe 83, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8378, datë 22.7.1998, “Kodi Rrugor i Republikës së Shqipërisë”, të ndryshuar,

bëhen këto shtesa dhe ndryshime:

Neni 1

Në nenin 2, pas pikës 8 shtohet pika 9, me këtë përmbajtje:

“9. Sinjalistika rrugore për rrugë, në afërsi të të cilave ka institucione arsimore, përcaktohet

sipas parashikimeve të legjislacionit të fushës në fuqi.”.

Neni 2

Në nenin 7, pika 12 ndryshohet si më poshtë:

“12. Cilido që nuk respekton ndalimin e qarkullimit, qarkullon në sens të kundërt me atë të

lejuar, nuk zbaton detyrimin e përparësisë dhe të ndalimit në kryqëzim, ndëshkohet me masë

administrative me gjobë nga pesë mijë deri në dhjetë mijë lekë dhe për rastet kur qarkullon në

sens të kundërt me atë të lejuar, përveç masës së mësipërme, drejtuesit të mjetit i pezullohet leja e

drejtimit për një periudhë 3-mujore dhe, gjithashtu,

i hiqen pikët nga leja e drejtimit sipas

parashikimeve të legjislacionit të fushës në fuqi”.

Neni 3

Në nenin 12, në pikën 1, pas shkronjës “c” shtohet shkronja “ç” me këtë përmbajtje:

“ç) Policisë Ushtarake (IQRr) për mjetet tokësore me targa të Forcave të Armatosura të