On the accession of the Republic of Albania to the 1988 Protocol relating to the International Convention for the Safety of Life at Sea, 1974

Lloji: Ligj

Fletore Zyrtare: nr. 97, datë 2021-06-21

LIGJ

Nr. 66/2021

PËR ADERIMIN E REPUBLIKËS SË SHQIPËRISË NË PROTOKOLLIN

E VITIT 1988, NË LIDHJE ME KONVENTËN NDËRKOMBËTARE

PËR SIGURINË E JETËS NË DET, 1974

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në protokollin e vitit 1988, në lidhje me Konventën

Ndërkombëtare për Sigurinë e Jetës në Det, 1974, sipas tekstit që i bashkëlidhet këtij ligji dhe

është pjesë përbërëse e tij.

Ky ligj hyn në fuqi 15 ditë pas botimit në Fletoren Zyrtare.

Neni 2

KRYETAR

Gramoz Ruçi

Miratuar në datën 20.5.2021

PROTOKOLL I VITIT 1988, NË LIDHJE ME KONVENTËN

NDËRKOMBËTARE PËR SIGURINË E JETËS NË DET, 1974

Palët e këtij Protokolli,

duke qenë Palë të Konventës Ndërkombëtare për Sigurinë e Jetës në Det, të nënshkruar në

Londër më 1 nëntor 1974;

duke pranuar nevojën për prezantimin në Konventën e lartpërmendur të dispozitave për

vrojtimin dhe certifikimin, në përputhje me dispozitat përkatëse në instrumentet e tjera

ndërkombëtare;

duke pasur parasysh se kjo nevojë mund të plotësohet më mirë me anë të nënshkrimit të një

Protokolli, në lidhje me Konventën Ndërkombëtare për Sigurinë e Jetës në Det, të vitit 1974,

kanë rënë dakord si më poshtë:

Neni I

Detyrimet e përgjithshme

1. Palët e këtij Protokolli marrin përsipër të zbatojnë dispozitat e këtij Protokolli dhe shtojcës