On certain additions and amendments to Law No. 102/2015 “On the Natural Gas Sector”, as amended

Lloji: Ligj

Fletore Zyrtare: nr. 120, datë 2021-07-30

LIGJ

Nr. 81/2021

PËR DISA SHTESA DHE NDRYSHIME NË LIGJIN NR. 102/2015,

“PËR SEKTORIN E GAZIT NATYROR”, TË NDRYSHUAR

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 102/2015, “Për sektorin e gazit natyror”, të ndryshuar, bëhen këto shtesa dhe

ndryshime:

Neni 1

Në nenin 4 bëhen shtesat e mëposhtme:

1. Pas pikës 13 shtohen pikat 13/1 dhe 13/2 me këtë përmbajtje:

“13/1. “Gaz Natyror i Lëngëzuar” (GNL) është gazi metan CH4, i cili kthehet në lëng në

presionin 1 atm dhe temperaturë minus 161 gradë celsius.

13/2. “Gaz Natyror i Komprimuar” (GNK) është gazi metan CH4, i cili komprimohet në

presionin 200 atm.”.

2. Pas pikës 17 shtohet pika 17/1 me këtë përmbajtje:

“17/1. “Impiant me përmasa të vogla” është njësia lëvizëse që përdoret për

prodhimin/depozitimin, transportimin dhe/ose shpërndarjen e sasive të vogla të GNL-së

dhe/ose GNK-së.”.

3. Pas pikës 38 shtohet pika 38/1 me këtë përmbajtje:

“38/1. “Klient i mbrojtur në kuadrin e solidaritetit” është klienti familjar i cili është i lidhur

me një rrjet shpërndarjeje të gazit dhe gjithashtu përfshin një ose të dyja rastet e mëposhtme:

a) instalimi i ngrohjes qendrore nëse është një “klient i mbrojtur” në vend dhe vetëm në atë

masë që u shërben klientëve familjarë ose shërbimeve themelore sociale, përveç arsimit dhe

shërbimeve të administratës publike;