On the establishment, organisation and functioning of the National Authority for the Investigation of Railway and Maritime Accidents and Incidents

Lloji: Ligj

Fletore Zyrtare: nr. 125, datë 2021-08-06

LIGJ

Nr. 91/2021

PËR KRIJIMIN, ORGANIZIMIN DHE FUNKSIONIMIN E AUTORITETIT

KOMBËTAR TË INVESTIGIMIT TË AKSIDENTEVE DHE INCIDENTEVE

HEKURUDHORE DHE DETARE

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Qëllimi

i këtij

ligji është krijimi, organizimi dhe funksionimi

i Autoritetit Kombëtar të

Investigimit të Aksidenteve dhe Incidenteve Hekurudhore dhe Detare, në vijim AKIAIHD.

Neni 2

Objekti i ligjit

Objekti

i këtij

ligji është përcaktimi

i rregullave për organizimin dhe funksionimin e

AKIAIHD-së, si dhe marrëdhëniet e tij me autoritetet e tjera hekurudhore dhe detare.

Neni 3

Fusha e veprimtarisë së AKIAIHD-së

1. Fusha e veprimtarisë së AKIAIHD-së është parandalimi dhe investigimi i aksidenteve dhe i

incidenteve hekurudhore dhe detare në Republikën e Shqipërisë.

2. Metodologjia, rregullat, procedurat, standardet dhe praktikat për kryerjen e investigimit të

aksidenteve dhe të incidenteve hekurudhore e detare përcaktohen me rregullore, të miratuar nga

ministri përgjegjës për transportet.

KREU II

ORGANIZIMI DHE FUNKSIONIMI I AKIAIHD-SË

Neni 4

Statusi i AKIAIHD-së

1. AKIAIHD-ja është person juridik, publik, me seli në Tiranë. AKIAIHD-ja është një

strukturë e pavarur në organizimin, strukturën ligjore dhe vendimmarrjen e tij. Veprimtaria e