On certain amendments and additions to Law No. 9917, dated 19.5.2008, “On Prevention of Money Laundering and Financing of Terrorism”, as amended

Lloji: Ligj

Fletore Zyrtare: nr. 197, datë 2021-12-20

LIGJ

Nr. 120/2021

PËR DISA NDRYSHIME DHE SHTESA NË LIGJIN NR. 9917, DATË 19.5.2008,

“PËR PARANDALIMIN E PASTRIMIT TË PARAVE DHE FINANCIMIT

TË TERRORIZMIT”, TË NDRYSHUAR1

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9917, datë 19.5.2008, “Për parandalimin e pastrimit të parave dhe financimit të

terrorizmit”, të ndryshuar, bëhen këto ndryshime dhe shtesa:

Neni 1

Në nenin 2 bëhen ndryshimet dhe shtesat e mëposhtme:

1. Pika 2 ndryshohet si më poshtë:

“2. “Bankë guaskë” është një bankë ose institucion financiar apo një institucion që kryen

aktivitete të ngjashme me ato që kryhen nga bankat ose institucionet financiare, e cila, pavarësisht

se është themeluar në territorin e një vendi, nuk ka prani fizike në të, si dhe nuk është pjesë e një

grupi të rregulluar financiar. Për qëllime të këtij përkufizimi, prania fizike nënkupton ekzistencën

e funksioneve drejtuese dhe administruese në territorin e vendit në të cilin është themeluar

banka. Ekzistenca vetëm e agjentëve lokalë apo e punonjësve të nivelit të ulët nuk përbën prani

fizike.”.

2. Pika 6 ndryshohet si më poshtë:

“6. “Klient” është personi i cili është përdorues i shërbimeve të ofruara nga subjektet e nenit 3

të këtij ligji.”.

3. Pika 3.1 shfuqizohet.

4. Pas pikës 7 shtohet pika 7/1 me këtë përmbajtje:

“7/1. “Marrëdhënie korrespondente” është: