On Certain Additions and Amendments to Law No. 10465, dated 29.9.2011, “On Veterinary Services in the Republic of Albania”, as amended

Lloji: Ligj

Fletore Zyrtare: nr. 29, datë 2022-02-22

LIGJ

Nr. 11/2022

PËR DISA SHTESA DHE NDRYSHIME NË LIGJIN NR. 10 465, DATË 29.9.2011,

“PËR SHËRBIMIN VETERINAR NË REPUBLIKËN E SHQIPËRISË”,

TË NDRYSHUAR

Në mbështetje të neneve 78 dhe 83, pika 1, të Kushtetutës me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 465, datë 29.9.2011, “Për shërbimin veterinar në Republikën e Shqipërisë”, të

ndryshuar, bëhen shtesat dhe ndryshimet si më poshtë:

Neni 1

Në nenin 4, pika 6, në fund të fjalisë shtohen fjalët “dhe në doganë jashtë PIK-ut”.

Neni 2

Në nenin 33 pas pikës 1 shtohet pika 1/1 me këtë përmbajtje:

“1.1. Në rastin e marrëveshjeve ndërkombëtare dypalëshe ose shumëpalëshe, kontrolli veterinar i

ngarkesave sipas pikës 1 të këtij neni kryhet në doganën e vendit/pikës së destinacionit të ngarkesës.”.

Neni 3

Në nenin 34 bëhen ndryshimet dhe shtesa e mëposhtme:

1. Titulli i nenit ndryshohet si më poshtë:

“Ngarkimi, ringarkimi, shkarkimi dhe magazinimi i kafshëve të gjalla që importohen, tranzitohen

ose eksportohen”.

2. Pika 2 ndryshohet si më poshtë:

“2. Inspektimet e detyrueshme sanitaro -veterinare për ngarkimin, ringarkimin, shkarkimin,

magazinimin dhe përpunimin e ngarkesave në PIK ose në doganën e vendit/pikës së destinacionit të

ngarkesës kryhen në zbatim të dispozitave të marrëveshjeve ndërkombëtare dypalëshe ose

shumëpalëshe.”.