ON THE RATIFICATION OF THE “AGREEMENT ON AMENDMENT AND ACCESSION TO THE CENTRAL EUROPEAN FREE TRADE AGREEMENT”

Lloji: Ligj

Fletore Zyrtare: nr. 37, datë 2007-03-31

709

LIGJ

Nr.9696, datë 21.3.2007

PËR RATIFIKIMIN E “MARRËVESHJES PËR AMENDIMIN DHE ADERIMIN NË

MARRËVESHJEN E TREGTISË SË LIRË TË EUROPËS QENDRORE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja për amendimin dhe aderimin në marrëveshjen e tregtisë së lirë të

Europës Qendrore”, sipas tekstit dhe anekseve e protokolleve të saj, të cilat i bashkëlidhen këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5246, datë 30.3.2007 të Presidentit të Republikës së Shqipërisë, Alfred

Moisiu

MARRËVESHJE PËR AMENDIMIN DHE ADERIMIN TË

MARRËVESHJES SË TREGTISË SË LIRË TË EVROPËS QENDRORE

HYRJE

Republika e Shqipërisë, Bosnja dhe Hercegovina, Republika e Bullgarisë, Republika e

Kroacisë, Republika e Maqedonisë, Republika e Moldavisë, Republika e Malit të Zi, Rumania,

Republika e Serbisë dhe Misioni i Administratës së Përkohshme të Kombeve të Bashkuara në Kosovë

në emër të Kosovës në përputhje me Rezolutën 1244 të Këshillit të Sigurimit të Kombeve të

Bashkuara (këtu e më tutje të referuara “Palët”),

Duke pasur parasysh qëllimin e palëve legjitime për të aderuar në Bashkimin Evropian,

Duke njohur kontributin e Marrëveshjes së Tregtisë së Lirë të Evropës Qendrore (këtu e më