On the Ratification of Convention No. 190 “Convention on Violence and Harassment” of the International Labour Organization, 1986

Lloji: Ligj

Fletore Zyrtare: nr. 30, datë 2022-02-23

LIGJ

Nr. 13/2022

PËR RATIFIKIMIN E KONVENTËS 190 “KONVENTA PËR DHUNËN

DHE NGACMIMIN”, TË ORGANIZATËS NDËRKOMBËTARE TË PUNËS, 1986

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa 190 “Konventa për dhunën dhe ngacmimin”,

të Organizatës

Ndërkombëtare të Punës, 1986, sipas tekstit që i bashkëlidhet këtij ligji dhe është pjesë përbërëse

e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar më datë 3.2.2022.

Shpallur me dekretin nr. 13486, datë 21.2.2022, të Presidentit të Republikës së Shqipërisë,

Ilir Meta.

C190 – KONVENTA PËR DHUNËN DHE NGACMIMIN, 2019 (NR. 190)

Preambulë

Konferenca e Përgjithshme e Organizatës Ndërkombëtare të Punës,

E mbledhur në Gjenevë nga Organi Drejtues i Zyrës Ndërkombëtare të Punës dhe takuar në

Sesionin e 108-të (njëqindvjetor), më 10 qershor 2019 dhe

Duke rikujtuar se Deklarata e Filadelfias konfirmon se të gjitha qeniet njerëzore, pavarësisht

racës, besimit ose gjinisë, kanë të drejtë të ndjekin mirëqenien e tyre materiale dhe zhvillimin e

tyre shpirtëror në kushtet e lirisë dhe dinjitetit, sigurisë ekonomike dhe mundësive të barabarta,

dhe

Duke konfirmuar rëndësinë e Konventave themelore të Organizatës Ndërkombëtare të Punës

dhe

Duke rikujtuar instrumente të tjera ndërkombëtarë të rëndësishme, të tilla si: Deklarata