On the Ratification of the Agreement between the Council of Ministers of the Republic of Albania and the Government of the Republic of Kosovo on Mutual Legal Assistance in Civil and Commercial Matters

Lloji: Ligj

Fletore Zyrtare: nr. 56, datë 2022-04-12

LIGJ

Nr. 27/2022

PËR RATIFIKIMIN E MARRËVESHJES NDËRMJET KËSHILLIT TË

MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS

SË KOSOVËS, PËR NDIHMË TË NDËRSJELLË JURIDIKE NË ÇËSHTJET CIVILE

DHE TREGTARE

Në mbështetje të neneve 78, 81, pika 1; 83, pika 1 dhe 121, pika 1, të Kushtetutës, me

propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe qeverisë

së Republikës së Kosovës për ndihmë të ndërsjellë juridike në çështjet civile dhe tregtare, sipas

tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 17.3.2022.

Shpallur me dekretin nr. 13534, datë 7.4.2022, të Presidentit të Republikës së Shqipërisë,

Ilir Meta.

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE

QEVERISË SË REPUBLIKËS SË KOSOVËS,

PËR NDIHMË TË NDËRSJELLË JURIDIKE NË ÇËSHTJET CIVILE DHE TREGTARE

Këshilli i Ministrave i Republikës së Shqipërisë dhe qeveria e Republikës së Kosovës, në vijim të

referuara si “Palët”;

duke njohur aspiratën e tyre për të zgjeruar bashkëpunimin juridik edhe në çështjet civile dhe

tregtare;

duke marrë në konsideratë qëllimin e realizimit më efikas të të drejtave dhe interesave të ligjshëm të

të dy shteteve dhe shtetasve të tyre;