On Open Data and Re-use of Public Sector Information

Lloji: Ligj

Fletore Zyrtare: nr. 65, datë 2022-04-29

LIGJ

Nr. 33/2022

PËR TË DHËNAT E HAPURA DHE RIPËRDORIMIN E INFORMACIONIT TË

SEKTORIT PUBLIK1

Në mbështetje të neneve 78, 81, pika 1, dhe 83, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim krijimin e bazës ligjore për promovimin e përdorimit të të dhënave të

hapura në Republikën e Shqipërisë me synim nxitjen e inovacionit në ofrimin e produkteve dhe

të shërbimeve.

Neni 2

Objekti

Objekt i këtij ligji është përcaktimi i rregullave dhe procedurave për të drejtën e ripërdorimit

të të dhënave të hapura për qëllime fitimi ose jo të dokumenteve që mbahen nga organet e

sektorit publik ose sipërmarrjet publike në Republikën e Shqipërisë.

Neni 3

Fusha e zbatimit

Ky ligj zbatohet për ripërdorimin e:

a) dokumenteve ekzistuese që mbahen nga organet e sektorit publik;

b) dokumenteve ekzistuese që mbahen nga sipërmarrjet publike:

i. që kryejnë veprimtari sektoriale sipas ligjit për prokurimet publike në ofrimin e shërbimeve

të interesit të përgjithshëm në sektorët e ujit, të energjetikës, të transportit dhe të shërbimeve

postare;

ii. veprojnë si operatorë të shërbimeve të transportit publik, rrugor, ajror e detar;

c) të dhënave kërkimore, si: statistika, rezultate eksperimentesh, matje, vëzhgime që vijnë nga