On the Establishment, Organisation and Functioning of Technological and Scientific Parks

Lloji: Ligj

Fletore Zyrtare: nr. 114, datë 2022-08-12

LIGJ

Nr. 58/2022

PËR KRIJIMIN, ORGANIZIMIN DHE FUNKSIONIMIN E PARQEVE

TEKNOLOGJIKE DHE SHKENCORE

Në mbështetje të neneve 78, 81, 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim që nëpërmjet krijimit dhe funksionimit të parqeve teknologjike dhe

shkencore të realizojë nxitjen e një ose më shumë objektivave:

a) zhvillimin e industrive të teknologjisë së lartë dhe inovacionit;

b) kërkim-zhvillimin për produkte dhe shërbime të reja dhe përmirësimin e atyre ekzistuese;

c) krijimin e vendeve të kualifikuara të punës për profesionistë të fushave të shkencës e të

teknologjisë.

Neni 2

Objekti

Objekti i këtij ligji është përcaktimi i rregullave për krijimin, organizimin dhe funksionimin e

parqeve teknologjike dhe shkencore (në vijim “parqet”).

Neni 3

Përkufizime

Në këtë ligj termat e mëposhtëm kanë këto kuptime:

a) “Infrastrukturë e përgjithshme” ka të njëjtin kuptim me përkufizimin e dhënë në

legjislacionin në fuqi për krijimin dhe funksionimin e zonave të teknologjisë dhe zhvillimit

ekonomik;

b) “Inovacion në prodhim” janë metodat e përdorura në prodhimin e produkteve të reja ose

të përmirësuara, të cilat nuk mund të prodhohen në mjediset ekzistuese ose prodhohen me

teknika apo metoda inovative;

c) “Kërkim dhe zhvillim” janë veprimtari që ndërmerren me qëllim përfitimin e njohurive të