On Certain Additions and Amendments to Law No. 12/2018 “On Transitional and Periodic Evaluation of Employees of the State Police, the Republican Guard and the Ministry of Internal Affairs’ Internal Affairs Service and Complaints at the Ministry of Internal Affairs”, as amended

Lloji: Ligj

Fletore Zyrtare: nr. 165, datë 2022-12-13

LIGJ

Nr. 78/2022

PËR DISA SHTESA DHE NDRYSHIME NË LIGJIN NR. 12/2018, “PËR

VLERËSIMIN KALIMTAR DHE PERIODIK TË PUNONJËSVE TË POLICISË SË

SHTETIT, GARDËS SË REPUBLIKËS DHE SHËRBIMIT PËR ÇËSHTJET E

BRENDSHME DHE ANKESAT NË MINISTRINË E BRENDSHME”, TË

NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 12/2018, “Për vlerësimin kalimtar dhe periodik të punonjësve të Policisë së

Shtetit, Gardës së Republikës dhe Shërbimit për Çështjet e Brendshme dhe Ankesat në

Ministrinë e Brendshme”, të ndryshuar, bëhen këto shtesa dhe ndryshime:

Neni 1

1. Kudo në ligj emërtimi “Shërbimi për Çështjet e Brendshme dhe Ankesat” zëvendësohet me

emërtimin “Agjencia e Mbikëqyrjes Policore”.

2. Kudo në ligj fjalët “organi i/organet e vlerësimit” zëvendësohen me fjalët “trupa/trupat e

vlerësimit”.

3. Kudo në ligj

fjalët “vetëvlerësim profesional” zëvendësohen me fjalët “vlerësim

profesional”.

Neni 2

Në nenin 3 bëhen shtesat dhe ndryshimet e mëposhtme:

1. Pikat 1 dhe 3, shfuqizohen.

2. Pas pikës 3 shtohen pikat 3.1, 3.2 dhe 3.3 me këtë përmbajtje:

“3.1 “Agjencia e Mbikëqyrjes Policore” është institucioni përgjegjës për vlerësimin kalimtar

dhe periodik të punonjësve të Policisë së Shtetit, Gardës së Republikës dhe Agjencisë së

Mbikëqyrjes Policore.”;