On the Ratification of the Cooperation Agreement between the Council of Ministers of the Republic of Albania and the Government of the Republic of Kosovo on Co-Financing the Major Project in Albanology “Encyclopedia of Albania”

Lloji: Ligj

Fletore Zyrtare: nr. 170, datë 2022-12-20

LIGJ

Nr. 80/2022

PËR RATIFIKIMIN E MARRËVESHJES SË BASHKËPUNIMIT NDËRMJET

KËSHILLIT TË MINISTRAVE TË REPUBLIKËS SË SHQIPËRISË DHE QEVERISË

SË REPUBLIKËS SË KOSOVËS PËR BASHKËFINANCIMIN E PROJEKTIT

MADHOR NË ALBANOLOGJI “ENCIKLOPEDIA SHQIPTARE”

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e bashkëpunimit ndërmjet Këshillit

të Ministrave të Republikës së

Shqipërisë dhe qeverisë së Republikës së Kosovës për bashkëfinancimin e projektit madhor në

albanologji “Enciklopedia shqiptare” sipas tekstit që i bashkëlidhet këtij ligji dhe është pjesë përbërëse e

tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar më datë 24.11.2022.

Shpallur me dekretin nr. 13880, datë 19.12.2022, të Presidentit të Republikës së Shqipërisë,

Bajram Begaj

MARRËVESHJE BASHKËPUNIMI

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE

QEVERISË SË REPUBLIKËS SË KOSOVËS PËR BASHKËFINANCIMIN E PROJEKTIT

MADHOR NË ALBANOLOGJI ENCIKLOPEDIA SHQIPTARE

Këshilli i Ministrave i Republikës së Shqipërisë dhe Qeveria e Republikës së Kosovës, të cilat më

poshtë do të quhen Palë,

Të nxitura nga përgjegjësia për promovimin e përbashkët të identitetit kombëtar si trashëgimi e

pandashme e popullit shqiptar;