On the Approval of the Framework Agreement between the Council of Ministers of the Republic of Albania and Eagle Hills Real Estate Development, Albanian Seaports Development Company, sh.a., and NSHMI Development L.L.C., concerning the Strategic Investment Project “Durrës Marina & Yachts”

Lloji: Ligj

Fletore Zyrtare: nr. 173, datë 2022-12-22

LIGJ

Nr. 79/2022

PËR MIRATIMIN E MARRËVESHJES KUADËR NDËRMJET KËSHILLIT

TË MINISTRAVE TË REPUBLIKËS SË SHQIPËRISË DHE EAGLE HILLS REAL ESTATE DEVELOPMENT, ALBANIAN SEAPORTS DEVELOPMENT COMPANY SHA, DHE NSHMI DEVELOPMENT L.L.C., NË LIDHJE ME PROJEKTIN E INVESTIMIT STRATEGJIK “MARINA & JAHTET E DURRËSIT”

Në mbështetje të neneve 78, 83, pikat 1 e 2, dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratimi i marrëveshjes

Miratohet marrëveshja kuadër ndërmjet Këshillit të Ministrave të Republikës së Shqipërisë dhe Eagle Hills Real Estate Development, Albanian Seaports Development Company sh.a., dhe NSHMI Development L.L.C. për projektin e investimit strategjik “Marina & Jahtet e Durrësit”, si dhe shtojcat e kësaj marrëveshjeje kuadër sipas tekstit që i bashkëlidhet këtij ligji.

Neni 2

Regjimi i posaçëm në zbatim të marrëveshjes

1. Shoqëria e përbashkët për realizimin e projektit “Marina & Jahtet e Durrësit” përjashtohet nga detyrimi për të paguar taksën e ndikimit në infrastrukturë për ndërtimet e reja dhe kontributin e strehimit social sipas legjislacionit në fuqi për sistemin e taksave vendore dhe legjislacionit në fuqi për strehimin social. Vlera e detyrimit të përjashtuar është pjesë e kontributit të shtetit shqiptar në investim, sipas marrëveshjes së përcaktuar në nenin 1 të këtij ligji.