On Classified Information

Lloji: Ligj

Fletore Zyrtare: nr. 27, datë 2023-02-22

LIGJ

Nr. 10/2023

PËR INFORMACIONIN E KLASIFIKUAR1

Në mbështetje të neneve 78 dhe 81, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

i këtij

Objekti

rregullave për krijimin,

administrimin, deklasifikimin, zhvlerësimin dhe mbikëqyrjen e informacionit të klasifikuar gjatë

gjithë ciklit jetësor të tij.

i parimeve bazë dhe i

ligji është përcaktimi

Neni 2

Qëllimi

Qëllimi i këtij ligji është mbrojtja e informacionit të klasifikuar nga humbja, dëmtimi, rrjedhja,

komprometimi ose ekspozimi i paautorizuar.

Neni 3

Fusha e veprimit

Ky ligj zbatohet nga institucionet e administratës publike dhe operatorët ekonomikë për të

cilët për ushtrimin e detyrave të tyre dhe bazuar në parimin “nevojë për njohje” kërkohet të kenë

qasje në informacionin e klasifikuar.

SKI-të sipas këtij ligji nuk përjashtohen nga detyrimet që rrjedhin nga fusha e veprimit të

legjislacionit në fuqi që rregullon sigurinë kibernetike në Republikën e Shqipërisë, si pjesë e

infrastrukturave kritike dhe të rëndësishme të informacionit.

Neni 4

Përkufizime

Në kuptim të këtij ligji, termat e mëposhtëm kanë këto kuptime:

1. “Administrim i

informacionit të klasifikuar” është regjistrimi, qarkullimi, shfrytëzimi,

shumëfishimi, transportimi, transmetimi, ruajtja, arkivimi, asgjësimi dhe shkatërrimi i tij.