On the Ratification of the Agreement between the Council of Ministers of the Republic of Albania and the Government of North Macedonia on the Establishment of Joint Task Forces in the Field of Security

Lloji: Ligj

Fletore Zyrtare: nr. 59, datë 2023-04-06

LIGJ

Nr. 22/2023

PËR RATIFIKIMIN E MARRËVESHJES NDËRMJET KËSHILLIT TË

MINISTRAVE TË REPUBLIKËS SË SHQIPËRISË DHE QEVERISË SË

MAQEDONISË SË VERIUT PËR KRIJIMIN E TASK-FORCAVE TË

PËRBASHKËTA NË FUSHËN E SIGURISË

Në mbështetje të neneve 78, 83 dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe

qeverisë së Maqedonisë së Veriut për krijimin e task-forcave të përbashkëta në fushën e sigurisë

sipas tekstit që i bashkëlidhet këtij ligji.

Ky ligj hyn në fuqi 15 ditë pas botimit në Fletoren Zyrtare.

Neni 2

Miratuar në datën 16.3.2023.

Shpallur me dekretin nr. 47, datë 31.3.2023, të Presidentit të Republikës së Shqipërisë,

Bajram Begaj.

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE QEVERISË SË REPUBLIKË SË MAQEDONISË SË VERIUT PËR KRIJIMIN E

TASK-FORCAVE TË PËRBASHKËTA NË FUSHËN E SIGURISË

Këshilli i Ministrave i Republikës së Shqipërisë dhe Qeveria e Maqedonisë se Veriut (në vijim

të referuara si “Palë”),

me dëshirën e përbashkët për të punuar në mposhtjen e kërcënimeve të sigurisë dhe luftën

efektive kundër krimit të organizuar ndërkombëtar përmes partneritetit dhe përmes aktiviteteve

të koordinuara;

duke njohur bashkëpunimin e mirë, të bazuar në besimin e ndërsjellë policor në luftën kundër

krimit;