On Certain Additions and Amendments to Law No. 80/2020, “On the Prison Police”

Lloji: Ligj

Fletore Zyrtare: nr. 95, datë 2023-06-27

LIGJ

Nr. 39/2023

PËR DISA SHTESA DHE NDRYSHIME NË LIGJIN NR. 80/2020,

“PËR POLICINË E BURGJEVE”

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 80/2020, “Për Policinë e Burgjeve” bëhen këto shtesa dhe ndryshime:

Neni 1

Në nenin 14 bëhet ndryshimi i mëposhtëm:

1. Pika 2 ndryshohet si më poshtë:

“2. Punonjësit në Policinë e Burgjeve e mbajnë armën në përdorim personal edhe jashtë orëve të

shërbimit, sipas kushteve të përcaktuara me vendim të Këshillit të Ministrave.”.

Pas nenit 18 shtohet neni 18/1 me këtë përmbajtje:

Neni 2

“Neni 18/1

E drejta për përfitim kredie me kushte lehtësuese

1. Punonjësi i Policisë së Burgjeve përfiton kredi për strehim me kushte lehtësuese.

2. Kriteret dhe procedura për përfitimin e kredisë me kushte lehtësuese dhe masa e saj përcaktohen

me vendim të Këshillit të Ministrave.”.

Neni 3

Në pikën 1, të nenit 29 bëhen këto ndryshime dhe shtesa:

1. Shkronja “d” ndryshohet si më poshtë:

“d) nuk është dënuar me vendim të formës së prerë për kryerjen e një krimi apo një kundërvajtje

penale me dashje;”.

2. Pas shkronjës “d” shtohet shkronja “d/1” me këtë përmbajtje:

“d/1) ndaj tij nuk është caktuar masa e sigurimit personal “arrest në burg” ose “arrest në shtëpi” për

kryerjen e një vepre penale ose nuk ka marrë cilësinë e të pandehurit për një krim të kryer me dashje;”.