Për dhënien me qira të tokës bujqësore e pyjore, të livadheve dhe kullotave që janë pasuri shtetërore

Lloji: Ligj

Fletore Zyrtare: nr. 10, datë 1998-05-06

LIGJ

Nr.8318, datë 1.4.1998

PËR DHËNIEN ME QIRA TË TOKËS BUJQËSORE E PYJORE, TË LIVADHEVE DHE

KULLOTAVE QË JANË PASURI SHTETËRORE

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Ky ligj përcakton të drejtën e shtetit për dhënien me qira personave fizikë e juridikë vendas a

të huaj, tokë që është në pronësi të tij.

Neni 2

Përcaktimet e këtij ligji janë:

“Tokë” nënkupton tokën që është pasuri shtetërore, klasifikuar në fondin e tokës bujqësore,

pyjore, me bimësi pyjore, livadh dhe kullotë.

"Qiradhënës” nënkupton shtetin, përfaqësuar nga çdo organizëm shtetëror që me ligj ka

autoritetin të lidhë kontratë qiraje për tokën në administrim të tij.

“Qiramarrës” nënkupton çdo person fizik e juridik, vendas a të huaj, që merr me qira tokën

shtetërore në zbatim të kërkesave të këtij ligji.

KREU II

KUSHTET KONTRAKTUESE TË DHËNIES ME QIRA

Neni 3

Kushtet e dhënies me qira të tokës rregullohen ndërmjet palëve kontraktuese me një kontratë

të veçantë, në përputhje me kërkesat e Kodit Civil dhe aktet ligjore e nënligjore për tokën bujqësore,

livadhet, kullotat, pyjet, gjuetinë, ujërat, peshkimin dhe mjedisin.

Kushtet që nuk specifikohen në kontratën e qirasë ndërmjet palëve, por që mund të dalin më