PËR LEGALIZIMIN DHE URBANIZIMIN E ZONAVE INFORMALE

Lloji: Ligj

Fletore Zyrtare: nr. 90, datë 2004-12-09

LIGJ

Nr.9304, datë 28.10.2004

PËR LEGALIZIMIN DHE URBANIZIMIN E ZONAVE INFORMALE

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj ka për objekt:

a) legalizimin e ndërtimeve pa leje në zonat informale, të përcaktuara sipas procedurave të

këtij ligji;

b) urbanizimin e zonave të zëna nga ndërtimet e banesave pa leje, të emërtuara “informale”,

për integrimin e tyre në zhvillimin territorial e infrastrukturor të vendit dhe përmirësimin e kushteve të

jetesës në to.

Neni 2

Fusha e zbatimit

1. Ky ligj zbatohet për efekt legalizimi dhe urbanizimi në ndërtimet pa leje brenda territorit të

zonës informale, të përfunduara në çastin e hyrjes në fuqi të këtij ligji për rastet:

a) që legalizohen në përputhje të plotë me studimin urbanistik të zonës informale të miratuar;

b) që legalizohen pasi ridimensionohen për t’u përshtatur me studimin urbanistik të zonës

informale të miratuar;

c) që prishen, pasi vijnë në kundërshtim me studimin urbanistik të zonës informale të miratuar.

2. Janë objekt legalizimi:

a) ndërtimet e banesave pa leje, duke përfshirë edhe sipërfaqet me funksion jobanimi brenda

tyre;

b) ndërtimet pa leje me funksion arsimor e shëndetësor;