Ligj Nr.9799 Dt.10.09.2007

Lloji: Ligj

Fletore Zyrtare: nr. 124, datë 2007-09-27

LIGJ

Nr.9799, datë 10.9.2007

PËR RATIFIKIMIN E “MARRËVESHJES SË BASHKËPUNIMIT NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS ITALIANE NË LUFTËN KUNDËR KRIMINALITETIT”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e bashkëpunimit ndërmjet Këshillit të Ministrave të Republikës së Shqipërisë dhe Qeverisë së Republikës Italiane në luftën kundër kriminalitetit”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5459, datë 14.9.2007 të Presidentit të Republikës së Shqipërisë, Bamir Topi

MARRËVESHJE BASHKËPUNIMI

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS ITALIANE NË LUFTËN KUNDËR KRIMINALITETIT

Këshilli i Ministrave i Republikës së Shqipërisë dhe Qeveria e Republikës Italiane, më poshtë të quajtura “Palë”:

në respektim reciprok të parimeve të sovranitetit dhe barazisë dhe me qëllim zhvillimin dhe konsolidimin e mëtejshëm të marrëdhënieve miqësore ekzistuese midis dy shteteve;

të vetëdijshëm, që fenomenet kriminale që ndiqen penalisht dhe lidhen me kriminalitetin në çdo sektor prekin të dy shtetet, duke vënë në rrezik rendin dhe sigurinë publike, si dhe mirëqenien e pacenueshmërinë fizike të shtetasve të tyre;