PËR DISA NDRYSHIME NË KODIN E PROCEDURËS PENALE TË REPUBLIKËS SË SHQIPËRISË

Lloji: Ligj

Fletore Zyrtare: nr. 10, datë 1992-01-12

LIGJ

Nr.7536, datë 17.12.l991

PËR DISA NDRYSHIME NË KODIN E PROCEDURËS PENALE TË REPUBLIKËS SË

SHQIPËRISË

Në mbështetje të nenit 16 të ligjit nr.7491, datë 29.4.l991 "Për dispozitat kryesore

Kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në Kodin e Procedurës Penale, neni 1 ndryshohet si vijon:

"Përmbajtja dhe detyrat e legjislacionit procedural penal.

Legjislacioni procedural penal i Republikës së Shqipërisë shpreh vullnetin e popullit dhe ka

për detyrë të mbrojë rendin kushtetues, të drejtat dhe liritë e njeriut, të parandalojë kryerjen e veprave

penale dhe të ndikojë për edukimin e shtetasve me frymën e repektimit të ligjeve.

Legjislacioni procedural penal cakton rregulla për hetimin dhe gjykimin e drejtë e të shpejtë të

çështjeve penale".

Neni 2

Neni 4 ndryshohet si vijon:

"Bazat dhe parimet e legjislacionit procedural penal

Legjislacioni procedural penal bazohet në dispozitat kushtetuese të Republikës së Shqipërisë

dhe i përmbahet parimit të ligjishmërisë, në bazë të të cilit organet e drejtësisë janë të detyruara të

zbatojnë rregulla të njëjta e të barabarta për të gjithë, të bëjnë hetime e gjykime objektive të plota e të

gjithanshme, me qëlllim që asnjë fajtor të mos i shmanget përgjegjësisë dhe të sigurohet çdo shtetas

nga ndjekja e dënimi i padrejtë.