PËR FLAMURIN, STEMËN, HIMNIN KOMBËTAR, FESTËN KOMBËTARE DHE KRYEQYTETIN E REPUBLIKËS SË SHQIPËRISË
Law no. 7637, dated 13 November 1992, issued by Assembly of Albania.
- Number
- 7637
- Date of adoption
- 13 November 1992
- Published in the Official Journal
- no. 9, 28 January 1993
- Enters into force
- 28 January 1993
- Official text
- Official Publications Centre
Opening of the text
Lloji: Ligj
Fletore Zyrtare: nr. 9, datë 1993-01-28
LIGJ
Nr.7637, datë 13.11.1992
PËR FLAMURIN, STEMËN, HIMNIN KOMBËTAR, FESTËN KOMBËTARE DHE
KRYEQYTETIN E REPUBLIKËS SË SHQIPËRISË
Në mbështetje të nenit 43 të ligjit nr.7491, datë 29.4.1991 "Për dispozitat kryesore
kushtetuese",
KUVENDI POPULLOR
I REPUBLIKËS SË SHQIPËRISË
VENDOSI:
Neni 1
Në ligjin nr.7491, datë 29.4.1991 "Për dispozitat kryesore kushtetuese", të shtohet si kre më
vete "FLAMURI, STEMA, HIMNI KOMBËTAR, FESTA KOMBËTARE DHE KRYEQYTETI I
REPUBLIKËS SË SHQIPËRISË"
Neni 2
Flamuri shtetëror i Republikës së Shqipërisë paraqet një fushë të kuqe me një shqiponjë
dykrenore të zezë me krahë të hapur, sipas tipit tradicional të këtij shekulli, të vendosur në mes.
Neni 3
Stema e Republikës së Shqipërisë paraqet një shqiponjë dykrenore të zezë, të vendosur mbi
një shqyt (mburojë) të tipit "variaz" me ngjyrë të kuqe. Mburoja të ketë sipër një vijë të drejtë në
ngjyrë të zezë, që vjen duke u ngushtuar në pjesën e poshtme. Në mburojë ka të shkruar përsipër me
ngjyrë të zezë fjalët: "Republika e Shqipërisë".
Neni 4
Himni Kombëtar është Himni i Flamurit.
Neni 5
Festa Kombëtare është data 28 nëntor 1912.
Neni 6
Kryeqyteti i Republikës së Shqipërisë është Tirana.
Neni 7
Ky ligj hyn në fuqi menjëherë.
Shpallur me dekretin nr.363, datë 24.11.1992 të Presidentit të Republikës së Shqipërisë, Sali
Berisha
Unofficial copy. Only the text published in the Official Journal is legally binding. Check the act's status at the official source. This is not legal advice.