Për Policinë e Ndërtimit

Lloji: Ligj

Fletore Zyrtare: nr. 15, datë 1993-11-18

LIGJ

Nr.7752, datë 28.3.1993

PËR POLICINË E NDËRTIMIT

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Krijohet Policia e Ndërtimit, si organ ekzekutiv i armatosur dhe i specializuar për kontrollin e

zbatimit të ligjshmërisë në fushën e ndërtimit dhe të urbanistikës.

Neni 2

Policia e Ndërtimit varet nga ministri i Ndërtimit, Strehimit dhe Rregullimit të Territorit.

Ajo përbëhet nga Drejtoria e Policisë së Ndërtimit dhe degët e saj në rrethe, të cilat zbatojnë

vendimet e Këshillit të Rregullimit të Territorit të Rrethit.

KREU II

TË DREJTAT E POLICISË SË NDËRTIMIT

Neni 4

Policia e Ndërtimit ka të drejtë të kontrollojë:

1. Licensat e personelit teknik të punimeve ndërtimore;

2. Dokumentacionin teknik të objektit për:

- ligjshmërinë e projektzbatimit;

- çertefikatat e kontrollit të materialeve;

- çertefikatën e kolaudimit;

- lejen e shfrytëzimit të ndërtimit;

3. Hartimin dhe zbatimin e projektit në përputhje me kushtet teknike të projektimit dhe

zbatimit;

4. Zbatimin e rregullave të sigurimit teknik dhe mbrojtjen në punë;

5. Shenjat e prodhimit të elementëve të parafabrikuar që përdoren në ndërtim;

6. Depozitimin në vendin e caktuar dhe largimin e mbeturinave ndërtimore nga objekti që