ON CHAMBERS OF COMMERCE AND INDUSTRY

Lloji: Ligj

Fletore Zyrtare: nr. 3, datë 1994-04-08

LIGJ

Nr.7804, datë 10.3.1994

PER DHOMAT E TREGTISE DHE TE INDUSTRISE

Në mbështetje të nenit 16 të ligjit nr.7491, datë 29.4.199 1 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKES SE SHQIPERISE

VENDOSI:

Neni 1

Dhomat e tregtisë dhe të industrisë, që në vazhdim do të quhen "dhoma", janë subjekte të së

drejtës publike, të pavarura, pa qëllim fitimi, që funksionojnë në territorin e tyre dhe që i shërbejnë

nxitjes së tregtisë dhe të industrisë. Gjatë ushtrimit të vepri mtarisë së tyre ato mbajnë parasysh

interesat ekonomike të tregtarëve , të degëve a sipërmarrjeve të ndryshme. Ato i japin administratës

shtetërore mendime ose propozime për çështje që lidhen me mbarëvajtjen e tregtisë e të industrisë.

Neni 2

Dhomat themelohen dhe e ushtrojnë veprimtarinë e tyre në të gjitha rrethet e vendit.

Në një rreth nuk mund të krijohet më shumë se një dhomë.

Neni 3

Janë anëtarë të dhomës:

a) tregtarët, të cilët sipas ligjit regjistrohen në regjistrin tregtar;

b) shoqëritë tregtare të themeluara e të regjistruara në përputhje me ligjin nr.7638, datë

19.11.1992 "Për shoqëritë tregtare", dhe ligjin nr.7667, datë 2 8.1.1993 "Për regjistrin tregtar dhe

formalitetet që duhen respektuar nga shoqëritë tregtare";