ON EXPROPRIATIONS FOR PUBLIC INTEREST, AS WELL AS ON THE TEMPORARY TAKING INTO USE OF IMMOVABLE PROPERTY

Lloji: Ligj

Fletore Zyrtare: nr. 10, datë 1994-08-26

LIGJ

Nr.7848, datë 25.7.1994

PËR SHPRONËSIMET PËR INTERES PUBLIK, SI DHE PËR MARRJEN NË PËRDORIM

TË PËRKOHSHËM TË PASURISË SË PALUAJTSHME

Në mbështetje të nenit 16 të lig jit nr.7491, datë 29.4.1991 “Për dispozitat kryesore

kushtetuese”, me propozim të Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Ky ligj njeh të drejtën e shtetit për të shpronësuar ose për të marrë në përdorim të përkohshëm,

vetëm për interes publik, pasurinë e paluajtshme, pronë të pers onave fizikë a juridikë, si dhe njeh të

drejtat e subjekteve që preken nga shpronësimi ose nga marrja në përdorim të përkohshëm të pasurisë.

Neni 2

Në kuptim të këtij ligji shpronësimi për interes publik bëhet vetëm për këto raste:

a) ndërtimin për infrastrukturë publike si rrugë, hekurudha, ur a, aeroporte, porte dhe

hidrocentrale e ujëmbledhës;

b) ndërtime e përmirësime të rrjetit inxhinierik për zona të banuara, si rrjete elektrike, gazi,

avulli, ujësjellësi, rrjete të kanalizimit e të telekomunikacionit;

c) ndërtime për rrjete të transportit të naftës e gazit, rrjete të transmetimit e të shpërndarjes së

energjisë elektrike, për kërkim-zbulimin, zhvillimin e shfrytëzimin e mineraleve, naftës, gazit e ujit;

ç) ndërtime publike si shkolla, spitale, parqe, objekte sportiv e, si dhe komplekse banesash që