ON ALBANIA’S ACCESSION TO THE BASEL CONVENTION “ON THE CONTROL OF TRANSBOUNDARY MOVEMENTS OF HAZARDOUS WASTES AND THEIR DISPOSAL”

Lloji: Ligj

Fletore Zyrtare: nr. 6, datë 1997-05-30

LIGJ

Nr.8215, datë 9.5.1997

PËR KONTROLLIN FINANCIAR TË PERSONAVE JURIDIKË JOBANKARË QË KANË

MARRË HUA NGA PUBLIKU I GJERË

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Shoqëritë tregtare dhe personat e tjerë juridikë a fizikë jobankarë, të cilët në forma dhe mënyra

të ndryshme kanë marrë hua nga publiku, do të jenë objekt i kontrollit në kuptim të këtij ligji nga një

grup ekspertësh financiarë vendas dhe të huaj të caktuar nga Këshilli i Ministrave.

Ky kontroll do të përfshijë të gjitha çështjet që kanë të bëjnë me pozicionin financiar të

shoqërisë dhe personit që do të kontrollohet, por sidomos me numrin e kreditorëve, me detyrimet

financiare për t'u paguar, me lëvizjen e parave, si dhe me gjendjen e parave në arkë dhe depozitat në

banka brenda e jashtë vendit.

Neni 2

Për mbikëqyrjen e kontrollit, pranë Këshillit të Ministrave gjatë gjithë periudhës së kontrollit

vepron një grup mbikëqyrës me tre anëtarë të caktuar përkatësisht nga Kuvendi Popullor, Këshilli i

Ministrave dhe Shërbimi i Kontrollit të Shtetit.

Për veprimtarinë e tyre anëtarët e grupit mbikëqyrës përfitojnë shpërblim mujor në masë të

njëjtë me pagën e zëvendësministrit, për çdo muaj kalendarik që përfshin datën e fillimit, muajt vijues